|
29.06.19
Ավելուկի փառատոն Վարդենիկում
|
|
2019 թվականի հունիսի 29-ին Վարդենիկում անցկացվեց «Ավելուկի» փառատոն... Գյուղում գործող
«Սարերի բարիք» սոցիալական ձեռնարկության նախաձեռնությամբ Վարդենիկում տեղի ունեցավ փառատոնը, որտեղ որպես պատվավոր հյուրեր հրավիրված էին ՀՀ Վարչապետի տիկին Աննա Հակոբյանը, Գեղարքունիքի մարզպետ Գնել Սանոսյանը, Հայաստանում միջազգային կազմակերպությունների ներկայացուցիչներ և այլ պաշտոնյա անձինք... Հյուրերին դիմավորեց և տաղավարներին ծանոթացրեց համայնքապետ Հովիկ Հովեյանը...
|
|
|
26.01.19
2018 թվականի բյուջեի հաշվետվություն
|
|
2019 թվականի հունվարի 26-ին Վարդենիկի համայնքապետ պարոն Հ. Հովեյանը ներկայացրեց 2018 թվականի համայնքի բյուջեի հաշվետվությունը: Այն ներկայացվեց և՛ կատարողական մասով, և՛ ծախսային: Հընթացս մանրամասնորեն ներկայացվեց 2018 թվականին համայնքում կատարված կապիտալ բնույթի բոլոր աշխատանքները: Այդ հաշվետվությանը ներկա էին Գեղարքունիքի մարզպետարանի տարածքային բաժնի աշխատակից Խ. Լևոնյանը, համայնքի ավագանին և Վարդենիկի բնակիչներ: Վերջում համայնքի բնակիչները հույս հայտնեցին, որ նմանատիպ աշխատանքները կկրեն շարունակական բնույթ:
|
|
|
29.12.18
Այցելություն Արցախի զինվորներին
|
|
2018 թվականի դեկտեմբերի 29-ին Գեղարքունիքի մարզպետ պարոն Գնել Սանոսյանը, Վարդենիկի համայնքապետ պարոն Հովիկ Հովեյանը և այլ անձինք այցելության մեկնեցին Արցախի Հանրապետության № զորամասի զինվորներին: Ամանորից առաջ նրանց այցը զինվորներին շատ ոգեշնչող էր: Պատվարժան հյուրերը մեր հայրենիքի սահմաններն անսասան պահող զինվորներին անվտանգ և խաղաղ ծառայություն մաղթեցին:
|
|
|
21.12.18
Ամանորյա նվերներ Վարդենիկցի մանուկներին
|
|
2018 թվականի դեկտեմբերի 21-ին Վարդենիկի համայնքապետարանը գյուղի բոլոր երեք դպրոցների և մանկապարտեզի մանուկներին ամանորյա պարկեր ու նվերներ բաժանեց: Երեխաներին այցելեց Ձմեռ պապը և նվերներն անձամբ հանձնեց նրանց: Այդ օրը տոնական դարձավ բոլոր մանուկների համար:
|
|
|
18.09.18
Գազաֆիկացում Վարդենիկում
|
|
Վարդենիկ համայնքում՝ Վարդենիս գետից արևելք ընկած բնակելի թաղամասերը տարիներ շարունակ զրկված էին բնական գազից: Համայնքապետարանի միջոցների հաշվին կատարվում են գազաֆիկացման աշխատանքներ և այդ թաղամասերում արդեն իսկ անցկացվում է նոր գազատարը: Գազաֆիկացման աշխատանքների ավարտից հետո նշված թաղամասերի բնակիչները կարող են դառնալ բաժանորդներ՝ բնական գազից օգտվելու համար:
|
|
| 1 2 3 4 5 6 7 8 9 |